គណៈមេធាវីប្រមូលផ្តុំមេធាវីទាំងអស់ដែលតាំងការិយាល័យនិង មានសិទ្ធិប្រកបវិជ្ជាជីវៈមេធាវីនៅក្នុងព្រះរាជាណាចក្រកម្ពុជា ហើយជាស្ថាប័នផ្លូវការដែលទទួលខុសត្រូវក្នុងការគ្រប់គ្រង លើកកម្ពស់ និងការពារវិជ្ជាជីវៈមេធាវី។ គណៈមេធាវីត្រូវបាន បង្កើតឡើងដោយច្បាប់ស្តីពីលក្ខន្តិកៈមេធាវី លេខ នស/រកម/០៨៩៥/០៦ ដែលត្រូវបានអនុម័តដោយរដ្ឋសភា នៅថ្ងៃទី១៥ ខែមិថុនា ឆ្នាំ១៩៩៥។

គណៈមេធាវីដឹកនាំដោយប្រធានគណៈមេធាវីមួយរូប និង គ្រប់គ្រងដោយក្រុមប្រឹក្សាគណៈមេធាវី ដែលត្រូវបានបោះឆ្នោត ជ្រើសរើសពីក្នុងចំណោមសមាជិកគណៈមេធាវី ស្របតាមច្បាប់ ស្តីពីលក្ខន្តិកៈមេធាវី។ ប្រធានគណៈមេធាវីត្រូវបានបោះឆ្នោត ជ្រើសតាំងសម្រាប់អាណត្តិ ២ ឆ្នាំ និងអាចឈរឈ្មោះបោះឆ្នោត សម្រាប់មួយអាណត្តិទៀត។ សមាជិកក្រុមប្រឹក្សាគណៈមេធាវី មានអាណត្តិរយៈពេល ៣ ឆ្នាំ ស្របតាមបទប្បញ្ញត្តិនៃច្បាប់ស្តីពី លក្ខន្តិកៈមេធាវី។ បច្ចុប្បន្ន ក្រុមប្រឹក្សាគណៈមេធាវីមានសមាជិក ជាប់ឆ្នោតចំនួន៣៣ រូប ដែលឆ្លុះបញ្ចាំងពីការរីកចម្រើន និងការ អភិវឌ្ឍនៃវិជ្ជាជីវៈមេធាវីនៅកម្ពុជា។

ក្នុងនាមជាស្ថាប័នគ្រប់គ្រងវិជ្ជាជីវៈមេធាវី គណៈមេធាវីមានភារ កិច្ចធានា និងការពារឯករាជ្យភាព សុចរិតភាព កិត្តិយស និង ក្រមសីលធម៌វិជ្ជាជីវៈរបស់មេធាវី ព្រមទាំងធានាគុណភាព និង វិជ្ជាជីវៈនិយមនៃសេវាផ្លូវច្បាប់ដែលផ្តល់ជូនសាធារណជន។