គណៈមេធាវី ប្រមូលផ្តុំមេធាវីទាំងអស់ដែលតាំងការិយាល័យ និងមានសិទ្ធិប្រកបវិជ្ជាជីវៈមេធាវីនៅក្នុងព្រះរាជាណាចក្រកម្ពុជា ហើយជាស្ថាប័នផ្លូវការដែលទទួលខុសត្រូវក្នុងការគ្រប់គ្រង លើកកម្ពស់ និងការពារវិជ្ជាជីវៈមេធាវី។

គណៈមេធាវី ត្រូវបានបង្កើតឡើងដោយច្បាប់ស្តីពីលក្ខន្តិកៈមេធាវី នៅថ្ងៃទី២២ ខែសីហា ឆ្នាំ១៩៩៥ ហើយគិតមកទល់នឹងពេលនេះ មានរយៈពេលជាង៣០ឆ្នាំ ដែលអាចប្រសិទ្ធនាមថា «ស្ថាប័នច្បាប់ចំណាស់ក្នុងវិស័យឯកជន»។

ក្នុងនាមជាស្ថាប័នគ្រប់គ្រងវិជ្ជាជីវៈមេធាវី គណៈមេធាវីមានបេសកម្មជាច្រើន ជាពិសេស ការពារឯករាជ្យភាព សុចរិតភាព កិត្តិយស ក្រមសីលធម៌វិជ្ជាជីវៈមេធាវី ព្រមទាំងធានាគុណភាព និងវិជ្ជាជីវៈនិយមនៃសេវាផ្លូវច្បាប់ដែលផ្តល់ជូនសាធារណជន។